TERUGVOER VAN TEMAGESPREKKE
Tema: Groen (Fasiliteerder: Schalk Kotzé)
Vrae tov die tema:
- Dink ons dieselfde oor die groen aarde?
- Drukgroepe kom nie uit die kerk nie – hoekom nie?
- Wat van die kerklike tradisie wat sing: Hoe skoon die aarde, dit het MIN waarde…?
- Teologie van ’n spoedige wederkoms maak dat mense nie met voet op die aarde loop nie
- Wat kan die kerk doen?
- Plant ons inheems op die kerkterreine?
- Wie doen wat in ons omgewings?
- Wat van die droogte? Raak ons nou eers bewaringsbewus in nood?
Bydraes oor vrae.
- Groot geelhoutbome is dood By Ebb and Flow (Wildernis) agv aardverwarming. Dit bring mee dat mense meer bewus daarvan raak om inheems te plant.
- Gemeentes pak herwinningsprojekte aan en ook opruimingsprojekte.
- Lidmate raak meer bewus van die rol van elke plant en dier in die ekosisteem as dit begin ontbreek.
- As mense nie kennis het nie, pla dit hulle nie. Dus: Kennis bring verandering.
- Lidmate het bv na kerk plastieksakke langs die N2 opgetel.
Opsomming van die groep tov gevolgtrekking oor die tema ter sprake
- Die Kerk moet begin fokus op prioriteite van die aarde soos misdaad en armoede en aardverwarming.
- Alle ontwikkelings het ’n impak op die natuur. Ontwikkeling per se is nie boos nie.
- Soms word ontwikkeling vir selfsugtige redes teengestaan deur mense wat reeds het bv. om geen verdere uitbreidings in ’n area toe te laat nie sodat hulle beter eiendomme het.
- Die regte bestuur moet ‘n balans tussen ontwikkeling en bewaring bereik.
- Saam met kennis van die natuur kom liefde vir die natuur.
- So word wild bv hervestig weens ekonomiese redes vir jag en kom daar ’n balans tussen bewaring en benutting.
- Dikwels is dit gierigheid wat lei tot natuurrampe.
- Teologie van rentmeesterskap tov die natuur moet in die kerk nagestrewe word.
- Wat van ’n biddag vir die behoud van die aarde – ipv net ’n biddag vir reën.
- Boere bereik deur bewaringsboerdery groot sukses en keer die agteruitgang van natuurlike hulpbronne.
- Hoef nie GROOT te dink nie – fokus op plaaslike nood tov die natuur.
- Skakel met bestaande plaaslike forums en netwerke van kundigheid om bewustheid te verhoog.
- Plant bv inheems op die kerkterrein.
- Reël uitstappies en lesings deur kenners.
- NB: Laat omgewingsondag weer herleef.
- Betrek boere se kundigheid omtrent die natuur.
- Bewusmaking en die deurgee van feite baie belangrik.
- Frederick Marais onderneem om ’n afdeling op Communitas se webwerf te laat maak waar bydraes tov die saak geplaas kan word.{jcomments on}