Nico Mostert, predikant van NGK Hugenoot, in Bloemfontein, daag ons om nuut te dink oor hoe ons teenoor vreemdelinge optree, veral wanneer ons sensitief daarvoor is om Jesus se liefde te deel.
Dis Saterdag middag so 4uur. Die honde blaf by die hek. Ek gaan uit en sien dis ‘n jong dame wat die sensus kom opneem. Tussen die kef van die jackrussel en die bas stem van die ridgeback kan ek niks hoor nie. Ek gaan sluit die honde agter toe en kom terug. Ek kry ‘n huilende jong sensus opnemer dame by die hek. “Come in,” sê ek. Tussen haar trane deur sê sy: “I can’t. I have wet myself!” Ek sien sy is deurnat. Ek gaan roep my vrou. Ons bring haar in. Sy is in ‘n toestand en totaal getraumatiseer. Ons laat haar stort, soek gou klere (sy is klein en petite ons nie!), gooi sap in en gooi die nat klere in die wasmasjien. “Sit, tell us your story! What happened?”